14 декември 2019 година-работен ден
Владата на Република Северна Македонија на својата 167 седница донесе одлука 14 декември, сабота, 2019 година, да биде работен ден за вработените во државните институции. Согласно одлуката, на 14 декември ќе се одработува за 2 јануари 2019 година, којшто беше прогласен за неработен ден за вработените во државните институции.
Заклучокот се препорачува да го спроведат и единиците на локалните самоуправи, јавните претпријатија и другите правни лица основани од единиците на локалната самоуправа, за кои 2 јануари беше неработен ден. Овој заклучок не се однесува за вработените во здравствените и образовните институции.