30.05.2023

MPPS: Vijon pagesa me faza e pensioneve

Ministria e Punës dhe Politikës Sociale njofton se vijon pagesa me faza e pensioneve për muajin maj.

Tërheqja e pensioneve përmes filialeve dhe ekspoziturave të bankave për pensionistët që nuk përdorin karta do të realizohet në katër grupe, sipas lartësisë së pensionit:

Për pensionet deri në 11.000 denarë, pagesa do të kryhet më dt. 29.05.2023 (e hënë);

Për pensionet prej 11.001-14.000 denarë, pagesa do të kryhet më dt. 30.05.2023 (e martë);

Për pensionet prej 14.001-18.000 denarë, pagesa do të kryhet më dt. 31.05.2023 (e mërkurë); dhe

Për pensionet mbi 18.000 denarë, pagesa do të kryhet më dt. 01.06.2023 (e enjte).

Pensionistët që përdorin kartelë pagese të lidhur me llogarinë bankare në të cilën transferohet pensioni, mund të tërheqin pensionin prej bankomateve, t’i përdorin të hollat për pagesë në rrjetin e tregtimit ose për pagesa elektronike.