18.12.2024

Ministri Limani në vigjilje të festave të fundvitit në shoqërim me fëmijët e shtëpive në grupe pranë IP “25 maj”

Ministri i Politikës Sociale, Demografisë dhe Rinisë, Fatmir Limani, vizitoi fëmijët e shtëpive në grupe pranë IP “25 Maji”. Në prag të festave të fundvitit, kjo vizita ishte edhe rast për shoqërim dhe ndarjen e dhuratave.

Aktualisht 16 fëmijë nga mosha 11 deri në 18 vjeç kujdesen në njësitë rezidenciale të institucionit publik 25 maj, fëmijë me probleme edukative-sociale dhe me sjellje të çrregulluara. Fëmijët këtu marrin përkujdesje 24 orëshe nga një ekip profesional dhe me mbështetjen e tyre kryejnë detyrat e tyre të përditshme.

-

Nëpërmjet punës individuale me secilin fëmijë, ata zbulojnë potencialin e tyre dhe i drejtojnë dhe inkurajojnë të realizojnë idetë dhe planet e tyre. Së bashku i kalojnë sfidat, por së bashku festojnë fitoret dhe sukseset, sepse funksionojnë si një familje e madhe në të cilën çdo anëtar është i barabartë.

Me transformimin e kujdesit institucional në banim në grup, përveç përmirësimit të kushteve të jetesës së fëmijëve, të rinjtë deri në moshën 18 vjeç fitojnë miqësi të reja me bashkëmoshatarët e tyre nga mjedisi. Nëpërmjet të jetuarit së bashku, ata fitojnë zakone për të ndihmuar dhe mbështetur njëri-tjetrin.