16.08.2021

Shahpaska: Numri i punonjësve të vaksinuar në kopshtet e Shkupit është rritur në 65 për qind, u bëj thirrje edhe të tjerëve që të imunizohen

Numri i punonjësve të vaksinuar në kopshtet e Shkupit është më i lartë dhe tani është 65 për qind. Ne e morëm këtë informacion nga Ministria e Shëndetësisë, tha ministrja e Punës dhe Politikës Sociale Jagoda Shahpaska, pas takimit me drejtorët e kopshteve në territorin e Qytetit të Shkupit.

Ky takim me drejtorët e kopshteve organizohet në prag të shtatorit kur pritet shtimi i pranisë së fëmijëve në kopshte.

“U bëj apel punonjësve në kopshtet që deri më tani nuk kanë arritur të imunizohen për arsye të ndryshme, t'i qasen procesit të vaksinimit. Përgjegjësia e tyre është veçanërisht e rëndësishme, sepse ata kryesisht kujdesen për shëndetin e tyre me mbrojtje personale, dhe kështu kontribuojnë në ruajtjen e shëndetit publik dhe të përgjithshëm. Duke respektuar vazhdimisht rekomandimet e autoriteteve shëndetësore në kopshte, ne gjithashtu kontribuojmë në shëndetin e fëmijëve”, tha ministrja Shahpaska.

Në takimin me drejtorët, ministrja Shahpaska theksoi se punonjësit në kopshte duhet të zbatojnë vazhdimisht Protokollin e Punës në kushtet e Covid-19, sepse vetëm në këtë mënyrë ne mund të mbrojmë shëndetin e të dashurve tanë dhe shëndetin e punonjësve në kopshte.

Po ashtu, ashtu si në periudhën e mëparshme kur punonjësit treguan një nivel të lartë të vetëdijes dhe me punën e tyre të përgjegjshme nuk lejuan transmetimin e brendshëm të virusit, nga MPPS-ja presin që edhe kësaj radhe punonjësit në kopshte t’u përgjigjen detyrave të tyre të punës.

Ministrja theksoi se, po ashtu, së shpejti do të zhvillojë takim përmes aplikacionit Zoom edhe me drejtorët e tjerë të kopshteve në të gjithë vendin.​