20.1.2021
Ministrja Shahpaska mori pjesë në panel diskutimin: “Drejtë(si) për fëmijët - BE për drejtësi për të miturit dhe drejtësi sipas masës së fëmijëve”
Ministrja e Punës dhe Politikës Sociale, Jagoda Shahpaska sot mori pjesë në panel diskutimin e titulluar “Drejtë(si) për fëmijët - BE për drejtësi për minorenët dhe drejtësi sipas masës së fëmijëve”, projekt i financuar nga BE-ja dhe i bashkë-financuar nga UNICEF-i, ku morën pjesë edhe ministri i Punëve të Brendshme dhe ai i Drejtësisë, Oliver Spasovski dhe Bojan Mariçiq, ambasadori i BE-së në Maqedoninë e Veriut Dejvid Gir dhe përfaqësuesja e UNICEF-it, Patricia di Xhovani.
![](content/содржина ЕУ.jpg)
“Ministria e Punës dhe Politikës Sociale përmes Qendrave për Punë Sociale, në përputhje me procedurën e parashikuar në Ligjin për të drejtat e fëmijëve, kujdeset që çdo fëmijë që bie ndesh me ligjin të marrë mbështetje të fortë dhe të vazhdueshme në tejkalimin e problemeve”, tha ministrja Shahpaska, e cila e theksoi rëndësinë e këtij procesi për fëmijët në mënyrë që t’i rikthejë ata në rrugën e duhur, për të krijuar personalitete të shëndosha dhe ndërtues të kësaj shoqërie.
“Reforma sociale, të cilën e filluam në vitin 2019, parashikon formë të re të punës me familjet në rrezik social, duke përfshirë edhe fëmijët, case management – respektivisht menaxhim me raste. Menaxhimi i rastit nënkupton përfshirjen e punonjësve profesionistë nga QPS të cilët duhet t’u përgjigjen nevojave individuale të secilit fëmijë veçmas”, potencoi Shahpaska dhe e theksoi specifikën e secilit rast dhe qasjen dhe planin individual ndaj secilit fëmijë, veçanërisht në rastet kur familja nuk mund të mbrojë fëmijën pa mbështetje nga shteti ose organizata të tjera.
![](content/содржина 1 ЕУ.jpg)
“Qëllimi është të arrihet një qasje e qëndrueshme multidisiplinare dhe e ekuilibruar për të trajtuar problemin e delikuencës së të miturve, duke forcuar dhe avancuar sistemin për zbatimin e mbrojtjes gjithëpërfshirëse, trajtimin dhe rehabilitimin e fëmijëve në rrezik përmes bashkëpunimit ndër-sektorial, protokolleve dhe funksionimit të secilit segment të sistemit për mbrojtjen e fëmijëve brenda sistemit social, shëndetësor, policor dhe ligjor”, nënvizoi Shahpaska.
Ministrja theksoi se Ministria e Punës dhe Politikës Sociale në bashkëpunim me Zyrën e UNICEF-it në Shkup është e përkushtuar për një qasje gjithëpërfshirëse për mbrojtjen dhe parandalimin e fëmijëve nga dhuna.
“Trupi koordinues nacional për parandalimin dhe mbrojtjen e fëmijëve nga abuzimi dhe neglizhenca në vitin 2019 e hartoi Strategjinë për parandalimin dhe mbrojtjen e fëmijëve nga dhuna (2020-2025) dhe Planin e Veprimit (2020-2022) në përputhje me të gjitha dokumentet e rëndësishme ndërkombëtare”, theksoi ministrja Shahpaska.
Kjo strategji paraqet vizionin, qëllimet, qasjen strategjike të Qeverisë dhe aktivitetet që do të ndërmerren dhe promovohen në parandalimin dhe mbrojtjen e fëmijëve nga të gjitha llojet e dhunës.