15.03.2023

Trençevska: Vazhdojmë të rrisim kapacitetet e kopshteve në të gjithë territorin e vendit

Ministrja e Punës dhe Politikës Sociale, Jovanka Trençevska, sot ka vizituar kopshtin e fëmijëve “Breshia” në Dibër, ku është mirëpritur nga drejtoresha Ajrie Daçi. Gjatë vizitës ministrja ndoqi një shfaqje të shkurtër të luajtur nga fëmijët e kopshtit. Kopshti aktualisht përfshin gjithsej 399 fëmijë në proces edukimi dhe edukimi në të gjitha ambientet e tij.

“Qeveria i jep prioritet të lartë sfidave në komuna që të mund të përmirësojmë cilësinë e jetës së qytetarëve në nivel lokal me autoritetet komunale. Deri në fund të mandatit të kësaj qeverie do të përfundojmë kopshtin që kemi nisur me qëllim rritjen e kapaciteteve në arsimin parashkollor”, tha ministresha.

Ministresha iu referua rritjes së pagës minimale dhe kujtoi rritjen e pagave të ofruesve të shërbimeve publike në kopshte në periudhën e kaluar.

Gjatë vizitës është bërë edhe inspektimi i zgjerimit, i cili është në vazhdim e sipër dhe financohet nga Ministria e Punës dhe Politikës Sociale. Zgjerimi do të rrisë kapacitetin e kopshtit për 62 fëmijë.

Janë parashikuar katër klasa, dy prej të cilave do të jenë çerdhe. Në përputhje me rregulloren e punës sigurohen edhe tualetet për personat me nevoja të veçanta.

Trençevska i vizitoi edhe hapsirat që janë ndërtuar me ndihmën e programeve nga Erasmus. U prezantua puna në dhomat ku praktikohen metodat Montesori dhe dhomat sensorike që fëmijët t’i shfrytëzojn falas.