26.01.2024

Trençevska: Nuk do të lejojmë që varfëria e fëmijëve të zvogëlojë mundësitë e fëmijëve në vendin tonë

Bashkëpunimi i ri mes UNICEF-it dhe Ministrisë së Punës dhe Politikës Sociale në fushën e mbrojtjes së fëmijëve u promovua në aktivitetin për promovimin e efikasitetit dhe efektivitetit të garancisë së fëmijëve sipas shembullit të vendeve të Bashkimit Evropian. Garancia Evropiane për Fëmijët është një mekanizëm i BE-së për të parandaluar përjashtimin social të fëmijëve në nevojë duke garantuar akses në një sërë shërbimesh themelore sociale. Garancia e fëmijëve synon të sigurojë aksesin e fëmijëve në nevojë në shërbime cilësore, pra të përcaktojë paketat minimale të shërbimeve për çdo grup të fëmijëve më vulnerabël. Garancia, e cila tashmë është zbatuar në disa vende në Evropë, prezanton qasje novatore për buxhetimin kombëtar, planifikimin dhe zhvillimin e planeve kombëtare të veprimit për të reduktuar varfërinë e fëmijëve dhe për të trajtuar disavantazhet sistematike për fëmijët veçanërisht të cenueshëm.

Në manifestimin promovues folën ministrja e Punës dhe Politikës Sociale, Jovanka Trençevska dhe përfaqësuesja e UNICEF-it në Republikën e Maqedonisë së Veriut, Patricija DiXhovani.

Në fillim të fjalës së saj, Trençevska falënderoi zyrën e UNICEF-it për mbështetjen që i japin Ministrisë së Punës dhe Politikës Sociale, veçanërisht në fushën e mbrojtjes së fëmijëve.

“Ne vazhdojmë të kujdesemi për ata që janë më të margjinalizuar në shoqëri. Si qeveri kemi investuar në 82 kopshte dhe ky nuk është vetëm një numër statistikor, por një përfshirje reale e fëmijëve në edukimin parashkollor dhe arsimin. Duke marrë parasysh se sa i madh është ndikimi i përfshirjes së fëmijëve në arsimin parashkollor dhe sa tregon rezultate më të mira në arsim në të ardhmen”, theksoi Trençevska.

Ajo theksoi se përveç ofrimit të më shumë ambienteve në kopshte, Qeveria së bashku me UNICEF-in kanë punuar edhe në përforcimin e kapaciteteve të stafit në kopshte.Trençevska theksoi se bashkëpunimi i suksesshëm i deritanishëm ka sjellë momentin që të mendohet për zbatimin e Garancisë Evropiane për Fëmijët në vend.

“Ekipi im dhe ekipi i UNICEF-it kanë punuar për këtë çështje për një kohë të gjatë. Arsyeja pse po e nisim këtë garanci është rritja globale e varfërisë. Synimi ynë është të marrim masa në fushën e varfërisë së fëmijëve. Është e rëndësishme të theksohet se ne nuk jemi të fokusuar vetëm në mbështetjen materiale, por edhe në afrimin e shërbimeve sociale, duke ofruar strehim cilësor dhe ushqim cilësor për të gjithë fëmijët”, tha Trençevska.

Rëndësinë e Garancisë Evropiane për Fëmijët për Republikën e Maqedonisë së Veriut e shpjegoi në fjalimin e saj përfaqësuesja e UNICEF-it, Patricija DiXhovani.

“Zbatimi i Garancisë për Fëmijët në Maqedoninë e Veriut do të zbatojë ndërhyrje universale dhe të synuara për të ofruar mbrojtje sociale, arsim dhe kujdes shëndetësor për fëmijët më të cenueshëm, duke përfshirë fëmijët e rrugës, fëmijët e detyruar në martesa të hershme, fëmijët e prekur nga migrimi, si ligjërisht ashtu edhe në bazë të komunitetit, në varësi të kontekstit specifik të fëmijës dhe familjes”, tha DiXhovani.

DiXhovani theksoi se garancia do të ndihmojë autoritetet kombëtare dhe vendore për të përforcuar menaxhimin e financave publike në drejtim të planifikimit dhe buxhetimit më të mirë në lidhje me shërbimet sociale bazë për fëmijët në nevojë në sferën e mbrojtjes së fëmijëve dhe sociale, kujdesit shëndetësor dhe arsimit.

“Garancia do të sigurojë që çdo fëmijë të ketë akses në arsim cilësor, kujdes shëndetësor, mirëqenie dhe mbrojtje. Në këtë mënyrë çdo fëmijë do të arrijë të arrijë potencialin e tij të plotë”, theksoi përfaqësuesja e UNICEF-it