31.07.2024
Takim i ministrit Limani me ambasadorin britanik, Loson
Ministri i Politikës Sociale, Demografisë dhe Rinisë, Fatmir Limani, ka zhvilluar sot takim me ambasadorin e Mbretërisë së Bashkuar në vend, Metju Loson, ku është diskutuar për aktivitetet e mëparshme dhe aktuale të Ministrisë, si dhe bashkëpunimin dhe mbështetjen e Ambasadës Britanike në vendin tonë.
![](content/images/2024/juli/31_7_a.png)
Ky bashkëpunim nxjerr në pah partneritetin e fortë midis dy vendeve dhe një angazhim të përbashkët për të dizajnuar shërbime sipas nevojave të komunitetit.
Ministri Limani e njoftoi ambasadorin Loson për vizionin, prioritetet dhe angazhimet në fushat e përgjegjësisë së Ministrisë së Politikës Sociale, Demografisë dhe Rinisë, dhe që të gjitha me qëllim të ofrimit të shërbimeve më cilësore dhe standard më të mirë për qytetarët.
![](content/images/2024/juli/31_7_4.png)
Të dy bashkëbiseduesit shprehën gatishmërinë për të vazhduar bashkëpunimin dhe miqësinë e mirë mes dy vendeve, ku fokusi në të ardhmen do të jetë zhvillimi i politikave gjithëpërfshirëse për të rinjtë dhe gratë.