31.07.2024

Takim i ministrit Limani me përfaqësuesin e përhershëm të UNDP-së në vend, Grigorian 

Ministri i Politikës Sociale, Demografisë dhe Rinisë, Fatmir Limani, ka takuar sot përfaqësuesin e përhershëm të UNDP-së në vend, Armen Grigorian. 

Në takim u diskutua për mbështetjen e UNDP-së për vendin tonë, që vijon prej tre dekadash përmes projekteve dhe ekspertizës së përbashkët. 

Duke vepruar kështu, u diskutuan disa fusha, duke përfshirë ndërtimin e një ekonomie të gjelbër me një ndikim jashtëzakonisht të rëndësishëm në tregun e punës dhe ekonominë kombëtare, fondet IPA, ekonominë e kujdesit, përmes futjes së potencialit të punësimit në nivel lokal, masën Garancia rinore, që përfaqëson integrimin në tregun e punës të të rinjve, mbështetje në krijimin e kohezionit social me të rinjtë e vendeve fqinje, mbështetje për viktimat e dhunës në familje, aktivizimin e përfituesve të Ndihmës së Garantuar Minimale (NGM) në tregun e punës dhe çështje të tjera. 

Bashkëbiseduesit shprehën gatishmërinë për thellimin e bashkëpunimit mes Ministrisë dhe UNDP-së, në krijimin e strategjive, programeve dhe masave në fushat që janë në kompetencë të Ministrisë dhe që janë në interes të qytetarëve, të shtetit.