18.07.2024
Takimi i ministrit Limani me ambasadorin francez, Siril Bomgartner
Ministri i Politikës Sociale, Demografisë dhe Rinisë, Fatmir Limani, sot takoi ambasadorin e Republikës së Francës, Siril Bomgartner të cilit i dërgoi kërkesë për përshpejtimin e procedurës dhe nënshkrimin e iniciativës së paraqitur për fillimin e negociatave me Francën për përfundimin e marrëveshjes dypalëshe për sigurimet sociale.
![](content/images/2024/juli/18_7_1.png)
Ministri Limani gjithashtu uroj ambasadorin Bomgartner me rastin e festës së Republikës dhe shprehu gatishmërinë për të vendosur bashkëpunim të frytshëm në fushat nën juridiksionin e ministrisë.
Në takim u diskutua për bashkëpunimin e mëparshëm me ambasadën franceze në vend, si dhe me Republikën e Francës në përgjithësi. Theksi i bisedës u vu në dy sektorët e rinj, demografia dhe rinia, për të cilët ministri Limani theksoi rëndësinë e tyre vendimtare për vendin.
![](content/images/2024/juli/18_7_2.png)
Të dy bashkëbiseduesit ranë dakord se mbajtja e rinisë në vend dhe përfshirja e diasporës në politikat, programet dhe planet e qeverisë do të sjellë një situatë më të mirë ekonomike dhe përparimtare në vend.
Ambasadori Bomgartner shprehu mbështetjen e hapur për të gjitha aktivitetet e mëtejshme të Ministrisë së Politikës Sociale, Demografisë dhe Rinisë, si dhe mbështetjen për vendin në rrugën drejt integrimit evropian.