19.09.2024

Fjalimi i zëvendësministrit Velkovski në Kuvend për Ligjin për pjesëmarrje dhe politika të të rinjve 

Debati që e trajtova sot në Kuvendin e Republikës së Maqedonisë, për politikat e të rinjve dhe Ligjin për pjesëmarrje dhe politika të të rinjve - temë që është me rëndësi kyçe për të ardhmen e vendit tonë. Si zëvendësministër, jam i vetëdijshëm se të rinjtë janë forca lëvizëse e shoqërisë sonë dhe ky debat është një mundësi për të folur për sfidat dhe mundësitë që kemi përpara.

Maqedonia ballafaqohet me sfida serioze demografike dhe socio-ekonomike, të cilat prekin të rinjtë. Ulja e natalitetit, emigracioni dhe mungesa e perspektivës janë çështje të cilave duhet t'u përgjigjemi me masa konkrete dhe afatgjata, tha ai.

Përmes programeve të punësimit, mbështetjes për startup-et, përjashtimit nga taksat për të rinjtë, punës së garantuar për studentët më të mirë dhe trajnimit për aftësi digjitale, ne mund të krijojmë kushte për një të ardhme më të mirë dhe t'i mbajmë të rinjtë në Maqedoni. 

Në Maqedoni sistemi duhet të funksionojë për të mbajtur rininë. Vetëm përmes institucioneve të forta, arsimit cilësor, vendeve të punës të sigurta dhe perspektivave të qarta për të ardhmen, të rinjtë do të mund të gjejnë një arsye që ata të qëndrojnë dhe të zhvillohen këtu.

Zgjidhjet duhet të jenë sistematike dhe jo vetëm momentale, për të krijuar një mjedis të qëndrueshëm që do t'i inkurajojë ata të qëndrojnë, të investojnë dhe të ndërtojnë të ardhmen në atdheun e tyre. 

Vendimet që marrim sot në Kuvend do të përcaktojnë të ardhmen tonë nesër, theksoi Velkovski.