31.10.2024

Vellkovski: Qëllimi ynë më i lartë mbetet zbatimi i standardeve më të larta për mbrojtje efektive të viktimave të dhunës me bazë gjinore

Organizuar nga Ministria e Politikës Sociale, Demografisë dhe Rinisë dhe organizata humanitare gjermane Arbeiter-Samariter-Bund (ASB) në kuadër të projektit “Të bashkuar kundër dhunës në familje në Ballkanin Perëndimor - Bashkëpunimi rajonal dhe mbështetje për strehimoret për viktimat e dhunës në familje", sot u mbajt Konferenca Rajonale në të cilën përveç zëvendësministrit për Politikë Sociale, Demografi dhe Rinisë, Gjoko Velkovski, Jan-Aksel Fos, zëvendës i ambasadorit të Ambasadës Gjermane në Maqedoninë e Veriut, si dhe ministra dhe këshilltarë të ministrave nga Bosnja dhe Hercegovina, Kosova dhe Serbia.

Në fjalën e tij Velkovski tha: “Maqedonia e Veriut e njeh përgjegjësinë e madhe që kemi për përmbushjen e obligimeve tona sipas kornizave ndërkombëtare, veçanërisht Konventës së Stambollit, e cila na shtyn të krijojmë mjedise të sigurta për viktimat. Ne jemi gjithashtu të përkushtuar për arritjen e objektivave të përcaktuara nga procesi i Berlinit dhe në kuadër të negociatave të anëtarësimit me BE-në, veçanërisht në kapitujt 19 dhe 23, në mënyrë që të arrijmë progres të dukshëm në parandalimin e dhunës dhe forcimin e barazisë gjinore”.

Duke folur për problemin e dhunës me bazë gjinore, Velkovski theksoi se parandalimi i dhunës me bazë gjinore dhe përfshirja e burrave në parandalimin e dhunës me bazë gjinore, ndërtimi i kulturës së tolerancës dhe respektit të ndërsjellë që në moshë të re është jashtëzakonisht i rëndësishëm.

Të pranishmit u njoftuan se janë krijuar 13 shërbime të specializuara për përkujdesje ndaj grave viktima të dhunës në familje dhe dhunës në bazë gjinore (strehëza) në 6 rajone planore në territorin e Republikës së Maqedonisë së Veriut. Shërbimet e marra nga gratë viktima përfshijnë një sërë masash dhe aktivitetesh që synojnë mbrojtjen, mbështetjen e të drejtave, sigurisë dhe mirëqenies së grave dhe vajzave viktima të dhunës me bazë gjinore, si dhe strehimin e tyre të sigurt, këshillim dhe dhënie informacioni rreth të drejtave dhe shërbimeve.

“Ky shërbim i ndihmon viktimat në shërimin e tyre, forcimin, parandalimin e rishfaqjes së dhunës dhe ndryshimin e qëndrimeve dhe perceptimeve për dhunën”, shtoi zëvendësministri për Politikë Sociale, Demografi dhe Rini.

Ai konsideron se kjo nuk mjafton, gjegjësisht se nevojitet zbatimi i duhur, i plotë dhe efikas i Ligjit nga të gjitha institucionet dhe kujdesi i duhur, në mënyrë që të mbrohen viktimat në përputhje me të drejtat dhe liritë e njeriut.

Velkovski informoi se ka filluar procesi i përgatitjes së Strategjisë për luftimin e dhunës me bazë gjinore.

“Strategjia do të jetë një udhërrëfyes për veprimet e ardhshme dhe përmirësimin e reagimit kombëtar në luftën kundër dhunës me bazë gjinore”.

Zëvendësministri Vellkovski në fund të fjalës së tij tha: “Qëllimi ynë më i lartë mbetet zbatimi i standardeve më të larta për mbrojtje efektive të viktimave të dhunës me bazë gjinore”.