|
Проект "Поддршка за имплементација на Стратегијата за Ромите – ИПА 2007"
Основната цел на проектот „Поддршка за имплементација на Стратегијата за Ромите„ (Support to the Implementation to the Strategy of Roma) е зајакнување на институционалниот капацитет на координативните структури за имплементација на националната Стратегија за Ромите и Декадата за вклучување на Ромите 2005-2015, со единствена цел да придонесе кон подобрување на состојбата на Ромите во земјата.
Проектот ја обезбедува својата помош и поддршка преку реализација на две клучни компоненти:
Корисници на проектот се Министерството за труд и социјална политика–Одделение за имплементација на Стратегијата и Декадата на Ромите, Кабинетот на Министерот без ресор како Национален координатор за Стратегијата и Декадата на Ромите и Национално координативно тело за имплементација на Стратегијата за Ромите. Целни групи се вработените во ОИСДР во МТСП, членовите на Националното координативно тело за имплементација на Стратегијата за Ромите и вработените во ромските информативни центри низ земјата. Индиректни корисници на проектот се локалните ромски невладини организации и државни службеници од одредени (клучни) општини кои се вклучени во спроведувањето на локалните акциони планови.
Проектот својата мисија ја реализира преку оценка на постоечките институционални капацитети и планови, организирање и спроведување на конкретни обуки, помош за организирање на студиска посета на земја членка на ЕУ, активности за подигнување на јавната свест, како и преку развивање на човечките ресурси на локално ниво за ефективна имплементација на Стратегијата за Ромите.
Проектот го спроведува BBI конзорциумот составен од: Bernard Brunhes International (Франција) – водечки партнер и членовите - LDK – Consultants Engineers and Planners S.A. (Грција), ECIP Foundation (Бугарија), и Roma Institute n.o. (Словачка). Проектните активности се спроведуваат во период од 18 месеци, од 17 јануари 2011 до 16 јули 2012.
|