07.08.2024

Фатмир Сабриу, Државен Секретар во Министерството за социјална политика, демографија и млади, учествуваше на настан организиран од Фондацијата за демократија на Вестминстер

Во пресрет на Меѓународниот ден на младите, Државниот Секретар Фатмир Сабриу учествуваше на важниот настан организиран од Фондацијата за демократија на Вестминстер (ВФД) со поддршка од Британската Амбасада. Темата на овој настан беше „Учество и доверба – трендови кај младите“, каде беа презентирани наодите од најновото истражување за социо-политичко учество на младите.

Во својот говор, Секретарот Сабриу ја истакна важноста на поддршката и вклученоста на младите во процесите на донесување одлуки. „Младите се лидерите и иноваторите на утрешнината. Државата мора да создаде средини каде што тие можат да ги изразат своите грижи и идеи,“ изјави тој.

Настанот имаше за цел да промовира активно учество на младите и да поттикне создавање инклузивни простори каде што нивниот глас ќе се слуша и почитува.