Економско-социјалниот совет е трипартитно тело, формирано од Владата на РМ и социјалните партнери за водење на социјален дијалог, заради создавање на услови за економска и социјална стабилност и остварување на темелните вредности  на РМ како демократска и социјална држава.

Потписници на Спогодбата за основање на Економско-социјалниот совет се Владата на РМ, Сојузот на синдикатите на Македонија, Конфедерацијата на слободни синдикати на Македонија и Организацијата на работодавачи. 

 Структура 

Економско-социјалниот совет, согласно Спогодбата, е составен од 12 членови: четири члена именува Владата на РСМ, четири члена именуваат репрезентативните здруженија на работодавачи на територијата на Република Северна Македонија и четири члена именуваат репрезентативните синдикати на територијата на Република Северна Македонија. 

 Претседател на Економско-социјалниот совет

• Ѓоко Велковски, министер за труд и социјална политика

Членови на советот 

 Управување  

Економско-социјалниот совет ја има следнава структура на управување:

• претседател и двајца заменици на претседателот
• секретар

Претседателот на Советот е министерот за труд и социјална политика, кој е член на Советот по функција. 

Претседателот на Советот го претставува и застапува Советот пред надлежните органи и јавноста, ги свикува седниците, предлага дневен ред, ја координира и усогласува работата. 

Секретарот на ЕСС е лице од Министерството за труд и социјална политика, определено од министерот за труд и социјална политика.

 Организациските, административните и техничките работи на ЕСС и неговите работни тела се извршуваат во Одделението за социјално партнерство при Министерството труд и социјална политика.

 Надлежности

• ги следи, проучува и оценува влијанието на економската политика и мерките на економската политика на социјалната стабилност и развој;
• ги следи, проучува и оценува влијанието на социјалната политика и мерките на социјалната политика на економската стабилност и развој;
• ги следи, проучува и оценува влијанието на промените на цените и платите на економската стабилност и развој;
• му дава образложено мислење на министерот за труд за прашања и проблеми поврзани со склучувањето и примената на колективните договори;
• им предлага на Владата, работодавачите и синдикатите, односно на нивните здруженија на повисоко ниво, водење на усогласена политика на цени и плати;
• дава мислења по предлози на закони од областа на трудот и социјалната сигурност;
• ја промовира и поттикнува идејата на тространа соработка (трипартитен социјален дијалог) помеѓу социјалните партнери за решавање на економските и социјалните прашања и проблеми;
• го поттикнува мирното решавање на колективните работни спорови;
• дава мислења и предлози на министерот за труд во врска со другите прашања утврдени со овој закон.

Економско социјалниот совет може да основа одбори и комисии за поедини прашања од својот делокруг.  

-Економско социјалниот совет донесува Деловник со кој се уредува начинот на работата на советот. 

Заклучоци 
Економско-социјалниот совет разгледува законски и други прописи, национални стратегии и програми кои што се во врска со економско-социјалните интереси на работниците и работодавачите, проекти и материјали од економската и социјалната сфера и при тоа се носат соодветни предлози, мерки и заклучоци.Заклучоците во однос на законските прописи се доставуваат до Владата на РСМ и Собранието на РСМ.

• Општ колективен договор за јавниот сектор 2023
• Колективен договор за социјална заштита (Службен весник 249/19 )
  • Анекс за дополнување на Колективниот договор за социјална заштита
• Колективен договор за јавните установи за деца во дејноста згрижување и воспитание на деца од предучилишна возраст и во дејноста одмор и рекреација на децата

• Општ колективен договор за јавниот сектор во Република Македонија 
• Општ колективен за изменување и дополнување на Општ колективен договор за јавниот сектор во Република Македонија
• Колективен договор за јавните установи за деца во дејноста згрижување и воспитание на децата и во дејноста одмор и рекреација на децата (2011)
• Колективен договор за социјалната заштита во Република Македонија
• Колективен договор за изменување и дополнување на Колективниот договор за социјална заштита на Република Македонија

• Спогодба за утврдување на најниска плата за вработените во областа на дејноста згрижување и воспитание на децата (јануари 2009)
  Спогодба за утврдување на најниска плата за вработените во областа на дејност згрижување и воспитание на децата (јули 2009)
• Спогодба за утврдување на најниска плата за вработените во областа на социјалната заштита (2009)

• Електронски Регистар на колективни договори