07.07.2021

Министерката Шахпаска ќе присуствува на Вториот министерски состанок за вработување и социјални прашања помеѓу Европската унија и земјите од Западен Балкан, во Брдо, Словенија

Министерката за труд и социјална политика, Јагода Шахпаска денеска отпатува во Република Словенија, каде што ќе се одржи Вториот министерски состанок за вработување и социјални прашања, на кој ќе учествуваат министрите од земјите членки на Европската унија и земјите од Западен Балкан.

На министерскиот состанок, кој го организира Република Словенија по повод почетокот на претседавање со Советот на Европската Унија,  ќе присуствува и

Комесарот за работни места и социјални права, Николас Шмит.

Фокусот на состанокот ќе биде заложбата за имплементација на Младинската гаранција во сите земји од регионот на Западен Балкан. Република Северна Македонија, по примерот на земјите членки на ЕУ, веќе од 2018 ја имплементира во државата и дава позитивни резултати.

Во таа насока, на претстојниот министерски состанок ќе се потпише и Декларација за обезбедување на одржлива интеграција на младите лица на пазарот на труд, со што сите земји од регионот ќе почнат подготовки и имплементација на Гаранцијата за млади по примерот и моделот развиен во Европската унија.