12.12.2024

Министерот Лимани и амбасадорот на Кина, Су Леј  потпишаа Договор за донација- Кина донира сензорни соби за деца и лица со попреченост 

Министерството за социјална политика, демографија и млади и Амбасадата на Народна Република Кина во Република Северна Македонија, претставувани од министерот Фатмир Лимани и амбасадорот Су Леј денеска потпишаа Договор за донација.

Со Договорот,  Република Кина во духот на почитување на општествената одговорност и со цел остварување, унапредување и поддршка на дејности од јавен интерес  кои ги извршува Министерството за социјална политика, демографија и млади донира сензорни соби во вкупна вредност од 1.310.000,00 денари со вклучен ДДВ, за деца и лица со попреченост.

Потпишувањето на денешниот Договор е уште една потврда за огромната поддршка која Република Кина и ја дава на Северна Македонија и потврда за долгогодишното пријателство кое го негуваат двете земји.

Двете страни изразија задоволство од досегашната соработка и поддршка и се согласија дека истата ќе продолжи и понатаму.