26.12.2024

Сабриу: Да ја подигнеме свеста и поттикнеме разбирање за целосно препознавање на талентите и потенцијалот на жените со попреченост

Државниот секретар на Министерството за социјална политика, демографија и млади, Фатмир Сабриу учествуваше на панел дискусија на тема „Предизвици и успеси на девојките и младите жени со попреченост“ во организација на Центарот за младинскиот активизам Крик.

„Жените со попреченост се соочуваат со еден уникатен сет на предизвици, но истовремено тие претставуваат и извор на неверојатна инспирација.  И покрај физичките, менталните и сензорните бариери со коишто се соочуваат, тие и натаму ги разбиваат стереотипите, ја докажуваат својата вредност и му покажуваат на светот што значи да се биде вистински храбар. Нив не ги дефинира нивната попреченост, туку нивните соништа, нивните таленти и нивната непоколеблива решителност”, рече државниот секретар Сабриу.

Говорејќи за предизвиците со кои се соочуваат жените со попреченост, државниот секретар Сабриу посочи дека е потребна заедничка работа за да создадеме инклузивно општество коешто ја слави различноста и го прифаќа придонесот на жените со попреченост. 

„Ова значи не само обезбедување подобра здравствена нега и образование, туку и гарантирање дека нашите заедници се физички пристапни, дека работните места се инклузивни и дека жените со попреченост се вклучени во сите процеси на донесување одлуки. Од суштинско значење е да ја подигнеме свеста и поттикнеме разбирање за целосното препознавање на талентите и потенцијалот на жените со попреченост. Мораме да ги оспориме застарените норми и да обезбедиме дека секоја жена без оглед на нејзините предизвици ќе има можност да го достигне нејзиниот целосен потенцијал”, потенцираше Сабриу.