22.07.2024
Средба на министерот Лимани со Националниот координатор на МОТ, Крстановски
Министерот за социјална политика, демографија и млади, Фатмир Лимани денеска се сретна со Националниот координатор на Меѓународната организација на трудот (МОТ), Емил Крстановски.
![](content/images/2024/juli/mpts (2 of 9).png)
На средбата Националниот координатор, Крстановски се осврна на улогата на Меѓународната организација на трудот, чија што членка е и нашата земја, а како таква е обврзана конвенциите донесени на ниво на оваа организација ги ратификува и со тоа тие стануваат дел од националното законодавство.
![](content/images/2024/juli/mpts (8 of 9).png)
Соговорниците разговараа за областите кои ги покрива соработката на министерството со МОТ, во делот на социјалната политика, социјалната сигурност и социјалното осигурување, како и во делот на пензискиот систем и политиките за млади.
![](content/images/2024/juli/mpts (10 of 9).png)
Двете страни се согласија за продлабочување на соработката и изразија подготвеност за унапредување на законските решенија, креирање на програми, планови и мерки кои би биле во интерес на граѓаните, на државата.