15.03.2023

Тренчевска: Економско зајакнати млади означуваат млади кои ветуваат сигурна иднина

Министерството за труд и социјална политика во склоп на кампањата „Гласна и храбра“ спроведе уште една работилница со младите од Дебар. 

Целни групи на работилниците кои ги спроведува министерството во склоп на кампањата се: жени со попреченост, жени од ранливи категории на граѓани, пензионерки и млади лица. 

Денеска министерката за труд и социјална политика, Јованка Тренчевска заедно со шефицата на кабинет, Наташа Димеска ја спроведоа работилницата и непосредно разговараа со младите за нивните предизвици.

Работилницата водена од Димеска беше во насока на економско зајакнување и ментално здравје, потребата за градење на самодоверба кај младите и како тоа влијае врз нивниот секојдневен живот. 

Беше разговарано за можностите за вработување, придобивките од волонтирање и кои се нивните планови за иднината. 

Актуелно беше и прашањето за онлајн насилството каде несебично во дискусија се вклучија и младите лица кои беа присутни на работилницата.

На средбата беа присутни млади лица од 17 до 26 годишна возраст.