Учество на Република Северна Македонија во Програмата на Унијата „Граѓани, еднаквост, права и вредности“
Министерството за социјална политика, демографија и млади информира дека организациите и институциите од Република Северна Македонија може да аплицираат на повиците во рамки на Програмата „Граѓани, еднаквост, права и вредности“ објавени од почетокот на 2025.
Имено, Владата на Република Северна Македонија на Триесет и осма седница одржана на 10 декември 2024 донесе одлука за пристапување на Република Северна Македонија во Програмата на Унијата „Граѓани, еднаквост, права и вредности“(Citizens, Equality, Rights and Values Programme (CERV)). Министерството за социјална политика, демографија и млади во комуникација со Директоратот за правда на Европската Комисија ја спроведува постапката за потпишување на Меѓународната спогодба за учество во оваа програма, која се очекува да се заврши во вториот квартал на 2025. Меѓународната спогодба предвидува ретроактивна примена од 1 јануари 2025 година.
Во 2025 година, Европската комисија објави три повика:
1. Повик за предлози за спречување и борба против родово базирано насилство и насилство врз деца
Call for proposals to prevent and combat gender-based violence and violence against children (CERV-2025-DAPHNE)
2. Повик за предлози за правата на детето и учеството на децата
Rights of the child and children’s participation (CERV-2025-CHILD)
3. Повик за предлози за поддршка за вклученост и учество на граѓаните
Citizens’ engagement and participation (CERV-2025-CITIZENS-CIV)