31.07.2024
Средба Лимани-Ивановиќ-Кастаред
Министерот за социјална политика, демографија и млади, Фатмир Лимани, денес одржа важна средба со раководителката на канцеларијата на UN Women во Скопје, Весна Ивановиќ-Кастаред.
За време на оваа средба, двете страни ја истакнаа важноста од продолжување на интензивната и заедничка соработка во иднина, со цел постигнување позитивни резултати. Средбата се фокусираше на клучни теми поврзани со родовата еднаквост, зајакнување на жените и нивната позиција во општеството на Република Северна Македонија во целина, при што посебен акцент беше ставен на родово одговорното буџетирање.
![](content/images/2024/juli/unwomen_1.jpg)
Министерот Лимани ја изрази својата подготвеност да се посвети на сите процеси што придонесуваат за напредување и заштита на позицијата на жената во општеството, вклучувајќи го спречувањето и заштитата од дискриминација, како и заштитата од родово базирано насилство и секој вид на насилство. Тој истакна дека Министерството е максимално ангажирано да помогне во создавање на околина каде што жените можат да се чувствуваат безбедно и зајакнато.
![](content/images/2024/juli/unwomen_2.jpg)
Од своја страна, раководителката на UN Women во Скопје, ВВесна Ивановиќ-Кастаред, високо ја оцени соработката и напорите на Министерството во областа на родовата еднаквост. Таа истакна дека оваа соработка е една од најдобрите на ниво на владините институции во Северна Македонија, помагајќи во зајакнување на позицијата на жената во општеството.
Двете страни потенцираа дека соработката ќе продолжи и ќе се продлабочува во иднина. Оваа интензивирана соработка се очекува да помогне во изградба на праведно и еднакво општество, каде жените ќе имаат силна и сигурна улога.