31.07.2024
Средба на министерот Лимани со британскиот амбасадор Лосон
Министерот за социјална политика, демографија и млади, Фатмир Лимани денеска оствари средба со амбасадорот на Обединетото Кралство во земјава, Метју Лосон на која што се разговараше за досегашните и тековни активности на министерството, како и за соработката и поддршката од страна на Британската амбасада во нашата држава.
![](content/images/2024/juli/31_7_a.png)
Оваа соработка го нагласува силното партнерство помеѓу двете земји и заедничка посветеност за дизајнирање на услуги согласно со потребите на заедницата.
Министерот Лимани го информираше амбасадорот Лосон за визијата, приоритетите и заложбите во областите од надлежност на Министерството за социјална политика, демографија и млади, се со цел обезбедување на поквалитетни услуги и подобар стандард за граѓаните.
Двајцата соговорници изразија подготвеност за продолжување на добрата соработка и пријателство меѓу двете држави при што фокусот во иднина ќе биде ставен на развој на инклузивни политики за млади и жени.