24.11.2023
Тренчевска-Јанчев: Општина Кавадарци останува да биде проактивна, преку соработка со централната власт до унапредување на социјалната заштита
Министерката за труд и социјална политика, Јованка Тренчевска и градоначалникот на Општина Кавадарци, Митко Јанчев денес потпишаа договор за соработка меѓу Министерството за труд и социјална политика и Општина Кавадарци со цел заедничко учество во проект кој се однесува на изградба на Дневен центар за лица со телесна и ментална попреченост во Општина Кавадарци.
![](content/images/2023/noemvri/24_11/3_jpg.jpg)
Тренчевска во изјавата за медиуми информираше дека центарот ќе биде со капацитет за 24 корисници.
„Вкупната проценета вредност на проектот е 40.856.910 денари со вклучен ДДВ. Министерството за труд и социјална политика ќе обезбеди 90% од средствата, а Општината Кавадарци 10%. Вредноста на опремата во Дневниот центар се проценува на 1.720.440 ден. со вкучен ДДВ, износ кој во целост ќе биде обезбеден од страна на Министерството“ рече Тренчевска.
![](content/images/2023/noemvri/24_11/2_jpg.jpg)
Предвидените активности се согласно Програмата на Владата на Република Северна Македонија за изградба, опремување и одржување на објекти за социјална заштита и домови за стари лица за 2023 година.