|
1. работна книшка и докази за пензискиот стаж што не е впишан во работната книшка (решенија, уверенија, потврди и др.) ако правото на семејна пензија се остварува по смртта на активен осигуреник;
2. изводи од матичната книга на родените со впишан единствен матичен број за сите членови за семејството за кои се бара признавање право на семејна пензија (оригинал или копии заверени на нотар);
3. извод од матична книга на умрените (оригинал или копија заверена на нотар);
4. извод од матична книга на венчани доколку семејна пензија бара вдовец или вдовица издаден по смртта на осигуреникот или корисникот на пензија (оригинал или копија заверена на нотар);
5. потврда за статус на ученик, односно студент издадена од соодветна образовна институција на децата постари од 15 години за кои се бара признавање право на семејна пензија (во тој случај треба редовно да се доставуваат за секоја учебна година до завршувањето со школување најмногу до 26 години живот или до вработување/стапување во работен однос);
6. пријава за несреќа на работа ако смртта на осигуреникот настапила по повреда на работа;
7. воена книшка или уверение од Министерство за одбрана за отслужен воен рок (доколку покојниот осигуреник е од машки пол и отслужил воен рок);
8. доколку барањето за остварување право на семејна пензија се поднесува по основ на неспособност за самостоен живот и работа, се доставува и:
- предлог за медицинско вештачење со наод и мислење за здравствената состојба на осигуреникот (Предлог за медицинско вештачење -Образец бр.3) којшто го пополнува матичниот лекар и
- оригинална медицинска документација потребна за дијагностицирање на болеста.
9. уверение за бенефициран стаж за покојниот осигуреник (доколку имал стаж на осигурување во зголемено траење);
10. доказ за социјално осигурување-навршен стаж во други држави (доколку покојниот осигуреник имал навршен стаж кај странски носители на осигурување);
11. податоци за стаж на осигурување и плати од матичната евиденција на Фондот за осигуреници и корисници на права од пензиското и инвалидското осигурување;
12. податоци од службена евиденција која ја води друг јавен орган, односно друг субјект кој води регистар за податоци;
13. откако ќе го остварат правото заради редовна исплата корисниците на пензија кои имаат стален престој во странство, обврзани се два пати во годината да доставуваат потврда за живот;
14. за да може пензијата да се исплатува на корисниците на пензија кои имаат стален престој во странство, потребно е да достават: молбено барање за трансфер и податоци за сметка од банка (назив на банката, место каде се наоѓа, број на сметката, IBAN и BIC/SWIFT код) - на која да се исплатува пензијата);
15. откако ќе оствари право корисникот е должен во рок од 30 дена да ги соопшти сите настанати промени што влијаат врз правото на добивање на пензија или исплатата на пензијата, особено:
• промена на адреса на живеење,
• вработување или вршење на самостојна професионална дејност (во Р.Македонија или странство),
• прекинување на школување на деца корисници,
• смрт на корисникот на пензија;
16.Покрај наведените докази, со барањето за признавање на право од пензиското и инвалидското осигурување може да бидат приложени или дополнително побарани и други докази заради утврдување на фактите во врска со остварувањето на правата (решенија за користење на некои права од пензиско и инвалидско осигурување, пресуди за доделена издршка, уверенија-потврди за заснован работен однос или вршење на дејност, докази за посвојување, уверение за семејна состојба, уверение за државјанство, интернационални изводи и др. во случаите каде за поодделни членови на семејството признавањето на правото на семејна пензија е условено со постоење на одредени факти или кои се потребни при праќање на барање до странскиот орган на социјално осигурување);
Документите од точките 11 и 12 на овој член, фондот ги прибавува по службена должност по пат на размена на податоците по електронски пат со надлежните институции или во писмена форма, по претходно дадената писмена согласност на подносителот и другите членови на домаќинството за користење на нивните лични податоци во постапката за остварување и користење на правото на гарантирана минимална помош и писмена согласност да бидат откриени нивните податоци за депозитите во сите банки и штедилници во Република Северна Македонија. Документите од точките 1, 2, 3, 4, 5, 6, 7, 8, 9, 10, 13, 14, 15 и 16 на овој член ги прибавуваат подносителот и другите членови на семејството на осигуреникот при поднесување на барањето и во текот на користење на правото на семејна пензија
|