|
Право на траен надоместок за згрижувач има згрижувач кој згрижувал лице во своето семејство најмалку петнаесет години, по наполнување на 62 години на живот за жена, односно 64 години на живот за маж, кој е невработен и не користи право на пензија по која било основа.
Потребни документи:
1. Важечка лична карта или патна исправа која се доставува на увид;
2. Извод од матична книга на родените за згрижувачот;
3. Потврда од надлежен центар за социјална работа за периодот на згрижување на лице или дете без родители и родителска грижа;
4. Потврда од Агенцијата за вработување на Република Северна Македонија, за статус на невработено лице за згрижувачот и
5. Потврда од Фондот на пензискoто и инвалидското осигурување на Северна Македонија дека згрижувачот по наполнување на 62 години на живот за жена, односно 64 години на живот за маж, не користи пензија.
Потребната документација од точките 2, 3, 4 и 5 центарот за социјална работа ја прибавува по службена должност по пат на размена на податоците по електронски пат со надлежните институции или во писмена форма, по дадената писмена согласност на подносителот за користење на неговите лични податоци во постапката за остварување на правото на траен надоместок за згрижувач.
Правото на траен надоместок го остварува родител кој се грижел за детето до неговата 26 годишна возраст, без истото да користи услуга на вон-семејна социјална заштита, кој е невработен и не користи право на пензија, по наполнување на 60 години на живот за жена, односно 62 години на живот за маж.
Потребни документи:
1. Важечка лична карта на граѓанинот на Република Северна Македонија, лична карта за постојан престој на странец, лична карта за признат бегалец или лична карта за лице под супсидијарна заштита, која се доставува само на увид за докажување на идентитетот и државјанството;
2. Извод од матична книга на родените за родителот;
3. Извод од матична книга на родените за детето;
4. Извод од матична книга на венчаните;
5. Потврда од надлежен суд дека на родителот не му е одземено родителското право над детето;
6. Потврда од Агенцијата за вработување на Северна Македонија, за статус на невработено лице за родителот;
7. Потврда од Фондот на пензиското и инвалидското осигурување на Северна Македонија дека родителот, по наполнување на 60 години на живот за жена односно 62 години на живот за маж, не користи право на пензија и
8. Наод, оцена и мислење на стручен орган за видот и степенот на попреченост (решение од надлежен центар за социјална работа за видот и степенот на попреченост во менталниот и телесниот развој).
Документите од точки 2, 3, 4, 5, 6 и 7 на овој член, центарот за социјална работа ги прибавува по службена должност по пат на размена на податоците по електронски пат со надлежните институции или во писмена форма, по претходно дадената писмена согласност на подносителот за користење на неговите лични податоци во постапката за остварување и користење на правото на траен надоместок на родител кој што има дете со попреченост. Писмената согласност на подносителот за користење на неговите лични податоци вo постапката за остварување на правото.
|